Cyrus Sibert RéseauCitadelle-Haiti di non. Fok moun serye pale tou. Demangog yo montre yo paka dirije, fok nou bay yo replik, di yo verite, montre yo nou pap pran nan kraponnay. (Texte de Cyrus Sibert)

Depi 25 an yon seri de demagog debake sou teren an, entimide mou serye, fè yo pè, mete etikèt makout sou yo, ekri non yo sou miray, lè se fanm joure yo sou sex yo, denigre tout moun serye, fè yo kouri kite peyi a, oubyen fè vyolans sou yo. 

Demagog yo enstale yon sèl lide demagojik ki baze sou yon diskou lagoch-blof ki diferan ak lagoch serye nan lot peyi. Yap pale de chanjman, de revolisyon, tandiske se plezi yap pran, se jwi yap jwi, volè lajan leta. 

Yo rive kraze peyi-a paske yo fè tout moun pè yo. Yo manipile laprès, oganizasyon dwa moun, ak yon bann lot moun nan sosyete a. 

Yo enpoze la terè, fè moun pè, epi oblije moun serye aksepte yo kom chèf, epi ranpe anba yo. 

Cyrus Sibert ak Rezositadel (Reseau Citadelle) deside sispann fè silans devan demagog yo, blofè yo. Nèg sa yo guen move dosye, se magouyè, volè, jwisè yo ye. 

Yo toujou panse depi yo fè bri nan laprès yap fè tout moun kouri bay yo espas pou yo kontinye gaspiye peyi-a.

Cyrus Sibert RéseauCitadelle-Haiti di non. Fok moun serye pale tou. Demangog yo montre yo paka dirije, fok nou bay yo replik, di yo verite, montre yo nou pap pran nan kraponnay. 

Bilan demagog yo la : nan Lameri, nan Palè, nan Palman, nan Lajistis, nan Eleksyon, nan Lapolis, nan bwat leta : se gagot, volè, gaspiyaj. Yo paka jere anyen san yo pa volè lajan leta, fè briganday. 

Nèg sa yo paka ap pale epi pou moun serye ki vle chanjman tout bon rete an silans kite yo ap vale teren fè timoun kwè yo ka fè yon bagay. Sepou nou fè yo sonje aksyon yo.

Bagay "Le silence est d'or" a pa mache. Sepou demagog yo jwen replik. 

Si moun serye fè silans oubyen kouri kite peyi a, demagog yo ap kontan yap sèl kok chante. Se yo sèl kap ka repete tintin nan radyo tout la sent jounen, fè lavaj sèvo ak yon bann lide san sans ke pèp la oblije aksepte paske paguen lot. 

Nap toujou fè tak-o-tak ak demagog yo, jiskaske yo konprann ke "OU KAPAB BAY YON SERI DE MOUN MANTI YO TAN, MEN OU PAKA BAY TOUT MOUN MANTI TOUT TAN." Jan BoB Marley te di'l nan chante li-a.

____________________

RESEAU CITADELLE : LE COURAGE DE COMBATTRE LES DEMAGOGUES DE DROITE ET DE GAUCHE , LE COURAGE DE DIRE LAVERITE!!!

"You can fool some people sometimes, 

But you can't fool all the people all the time."

 (

Vous pouvez tromper quelques personnes, parfois, 

Mais vous ne pouvez pas tromper tout le monde tout le temps.

) dixit 

Bob Marley.