PA PRAN NAN MANÈV KAP DI « DEPANS #PETROCARIBE YO PAGEN PYÈS JISTIFIKTIF » !!! SE BLÒF POU’N PA RIVE SOU KONTABILITE KONPAYI PRIVE YO !!!

PA PRAN NAN MANÈV KAP DI « DEPANS #PETROCARIBE YO PAGEN PYÈS JISTIFIKTIF » !!! SE BLÒF POU’N PA RIVE SOU KONTABILITE KONPAYI PRIVE YO !!! (Teks Cyrus Sibert, #LeReCit )

Pèp aysyen ann serye!

Ki moun ki pral fè nou kwè, pagen pyès jistifikatif pou depans #Petrocaribe yo?

Nan tout radio, sou RFI, Miami Herald, medya aysyen, elatriye, Youri Latortue sou Scoop, tout moun ap di yo pa jwenn pyès jistifikatif.

W ta di yon te fè yon reyinion pou repete menm bagay. Menm « element de langage » oubyen « talking points ».

Bon, lajan leta soti labank pa chèk oubyen vireman de kont a kont. Kidonk, li fasil pou jwen tras depans yo.

Si pou yon dekesman pagen pyès jistifikatif egzekizyon oubyen reyalizasyon pwojè a, sa vle di kòb la toujou twouve’l nan kont ke #BRH, #BNC oubyen #BMPAD te transfere’l la. Se jis fè antrepriz la oubyen firm kite benefisye’l la retounen li kote li soti a oubyen ke yo fè travay la.

Pawòl depans pagen pyès jistifikatif la se manèv pou anpeche ankèt la rive sou FIRME PRIVE yo. Nèg kite cho nan mande kote lajan #Petrocaribe pat panse si nou tap rive la.

N’a sonje mwen te di nou sa! Gen yon ti ekip moun kap chache pwoteje sistèm lan ak yon strateji BOUK EMISÈ. Nou sonje kòman YOURI te kouri ap mande mete aksyon piblik an mouvman kont 2 w 3 grenn minis nan yon strateji pou fè yo pote chay plizyè milyon #Petrocaribe ki depans yo. Li te menm mande jije yon minis sante paske li te peye yon kay 250 mil goud nan kad yon kontra lite siyen ak mèt kay la kite vin mouri avan yo peye’l fèm kay la.

Pandan tan sa, Youri pat janm pale de pwojè RENOUVATION Vil Gonaïves. Jodia, gras a presyon opinyon piblik la, konplo BoukEmisè a echwe. Lakoudekont oblije fè yon rapò preske Global — rete selman yon denye rès ankèt ki pou fèt sou peryòd ant mwa octob 2016 ak fen #Petrocaribe an 2017.

Denyè Rapò sa Lakoudekont pibkyea soti nan lojik bouk emisè a. Li demontre gagòt tout kote nan leta a. Li pa rete sou 2 grenn moun menm jan Youri tap akize yo.

Sa ki pi bèl la Lakoudekont mande ankèt andedan ministè yo pou retwouve lajan #Petrocaribe a. Se sa ki panike nèg yo. Biz oubyen nom anpil politisyen odasye ak boujwa salòp kitap di yo pagen lajan #Petrocaribe nan men yo, site andedan dènye rapò sa.

Tout moun jwenn!

Epi brit sou kou, nou tande nèg yo ap pale di pagen pyès jistifikatif.

Eske nou konprann kisa sa vle di : Sa vle di yap fè nou kwè yo pap ka jwenn tras kote lajan an pase.

#LeReCit di pawòl sa se manti. Lajan an gen tras. Kont konpayi yo ak kont ke konpayi yo transfere kòb nan kad pwojè yo se pyès jistifikatif yo ye.

Pa kite yo fè’n kwè nan sa. Okenn jounalis konsekan pap kite yo fè’l repete sa.

Jan nou te di sa, nou rekonèt ke gen anpil erè ki dwe korije nan rapò Lakoudekont sa.

1- Li pa posib pou yo mete kontra ak depans ki fèt an 2010 sou responsabilite moun ki minis an 2012 e ki pat gen okenn reskonsabilite nan leta an 2010. Bagay sa yo dwe korije.

2- Etandone jij Lakoudekont yo refize kontinye ankèt la pou yo pa rive sou zanmi yo kite nan Tranzisyon, lòt enstitisyon nan Leta ki gen dwa fè ankèt, dwe kontinye ankèt la jiska 2017.

3- Apre sa, jan Lakoudekont mande sa ministè yo dwe chache kote kòb yo pase.

Pagen koze depans pagen pyès jistifikatif.

Pakite yo pran nou pou makak.

Pawòl sa se manipilasyon pou pa rive dou FIRME PRIVE kite resevwa kòb la. Paske depi yo rive sou FIRME sa yo, eta kont yo gen labank ak kaye kontab yo ap bay kote kòb la pase.

Gade byen !

Ti dosye detounman lajan #ONA kite dwe finanse pwogran sosyal manje ak medikaman pou pansyonè ak malere travayè yo bay egzanp konman w ka chache tras kòb ki debloke yo.

Me kòman zòt fè magouy yo :

1- toujou gen yon premye pwojè pou resevwa kòb la ofisyèlman nan men enstitisyon leta yo,

2- apre sa toujou gen yon lòt ti pwojè pèsonèl anba anba pou detounen lajan an ak preteks, premye pwojè a gen pwoblèm li paka fèt ankò.

Men, pwoblèm yo, kelkeswa ministè Oubyen enstriksyon leta kap debloke yon kò, SA TOUJOU FÈT DABÒ nan yon Bank.

Nan kad #ONA, si w al gade w pap jwenn pyès jistifikatif pou pwojè sosyal an favè Pansyonè ak travayè yo, men wap jwenn kòb la te debloke e lè w swiv tras li wap wè ke li nan men Youri Latortue pou pwojè poulaye personèl li.

Pou lòt moun, nan kad lòt pwojè, wap wè tras lajan ale sou kont nan bank prive yo oubyen nan konstriksyon biznis pèsonèl yo, gwo building nan Petyonvil, elatriye. Kidonk, gen tras!

Nou pa egare !

Nèg yo ap pèsekite prezidan Jovenel paske li te resevwa yon gaz #Petrocaribe pou 5 milyon goud, Agristrans dwe bay eksplikasyon pou kòb sa epi tout lòt moun dwe bay eksplikasyon pou tout kòb ki soti nan kès leta atravè #BRH, #BNC, Kont #BMPAD, kont Ministè ak enstitisyon leta, men tout soti apati yon kont Labank.

Ki vle di #GenTras.

Se egzakteman là pou nou mennen demagòg yo, tout volè kitap rele bare volè yo.

Cyrus Sibert,

#LeReCit @reseaucitadelle

WhatsApp : +509 3686- 9669

reseaucitadelle@yahoo.fr

#Haiti-Viol : Le Curé de Ranquitte refuse de répondre à l'invitation d'un Juge d’instruction.-

1/ Contrairement aux instructions du Vatican exigeant aux Prêtres de collaborer avec la Justice, le Père Charluis Pierre, Curé de la Paroisse de Ranquitte, a déclaré qu’il ne répondra pas à l’invitation du Juge d’instruction de la Grande Rivière du Nord, Me Louicius Brenord, dans le cadre d’une enquête pour viol. #LeReCit

2/ La déclaration fut faite le dimanche 2 aout, en présence de la victime qui assistait à la messe. En plus du refus de baptiser l’enfant résultant du viol perpétré par son Vicaire Eugener Bruno, le Curé transforme ses homélies en séances d’intimidation et torture psychologique.

3/ Ces prêtres arrogants n’ont aucun respect pour les juges qu’ils considèrent comme des gens inférieurs qui n’ont aucun droit de les inviter, encore moins les convoquer.

Si Pape François cherche à améliorer l’image de l’Eglise face aux abus sexuels, c’est sans l’Eglise d’Haiti.

https://twitter.com/reseaucitadelle/status/1291888382394720257?s=20

#Haiti — Tout tan leta pa deside retounen ak wòl lidè li tap jwe nan sektè stratejik ekonomi an pou kreye travay ak espwa, se tan nap pedi. Sektè prive sa pa ka asire lidechip ekonomik…se dezespwa.- #LeReCit

#Haiti — Tout tan leta pa deside retounen ak wòl lidè li tap jwe nan sektè stratejik ekonomi an pou kreye travay ak espwa, se tan nap pedi. Sektè prive sa pa ka asire lidechip ekonomik…se dezespwa.- #LeReCit

[ Denye eksperyans ak Santral Varreux yo demontre sa. Pagen okenn devlopman. Sogener ki se gwoup prive pa modernize pwodiksyon elektrisite a, li pa konstri lòt santral ekolojik ki mache ak dlo oubyen van, oubyen idwojèn likid, yo jis chita ap mete gaz nan delco,  epi pwofite rantre nan yon sektè ki pèmet yo jwenn gaz nan men leta, prete lajan leta, touche pil milyon leta chak mwa, finanse deblozay politik pou gen plis enflyans, elatriye. Yo menm fè yon magazin kap vann delco. ]

By Cyrus Sibert

Jaden bannann Jovenel Moise la te senbolize Lidèchip leta Haiti nan kreye gwo envestisman nan yon seri sektè kle ki kapab bay travay epi jwe wòl lidè pou devlope sektè agrikilti.

Absans politik lidèchip leta sa kreye dezespwa lakay jenn yo. Paske pouvwa prezidan Préval la te plis chita sou afebli antrepriz Leta, privatize yo, vann yo pou ti monnen bay zanmi li boujwa salòp, yon seri sektè kle nan ekonomi an pedi boustè ki te egziste nan kòmansman lane 80 yo.

Eksperyans peyia fè ak rekomandasyon privatizasyon FMI depi 1986 lakòz dezespwa. Anpil jenn chita ap joure Prezidan, Palmantè ak moun kap sipòte yo. Men vrè pwoblèm yo se paske yo pa wè okenn espwa. Nou konprann yo!

Lè leta aysyen lage tout antrepriz li bay yon sektè prive ki gen yon banm boujwa salòp san vizyon, moun sa yo pa devlope antrepriz sa yo vre ni sektè yo ladan yo. Depi komansman ane 80 yo, nou konstate se fèmen boujwa sa yo fèmen izin leta vann yo pou yo ka fè enpòtasyon achte revann. 

Denye eksperyans ak Santral Varreux yo demontre sa. Pagen okenn devlopman. Sogener ki se gwoup prive pa modernize pwodiksyon elektrisite a, li pa konstri lòt santral ekolojik ki mache ak dlo oubyen van, oubyen idwojèn likid, yo jis pwofite rantre nan yon sektè ki pèmet yo jwenn gaz nan men leta, prete lajan leta, touche pil milyon leta chak mwa, finanse deblozay politik pou gen plis enflyans, elatriye.

Peyia sot viv menm eksperyans sa nan privatize Pò yo. Olye yo sèvi a devlope ekonomi, se kontrebann dwòg ak zam chak senmen, APN pèdi lajan paske li abandone dwa pou pran kob epi bay moun nan prive sa yo yon bann lajan..elatriye.

Menm nan konpayi sekirite prive nou wè se pwoblèm pirèd... yon bann nèg ak zam fristre. Paske lontan, yon anplwaye sekirite nan yon bwat leta tegen yon djòb stab, pansyon, li marye ladan, elve pitit li ladan. Jodia w gen yon bann konpayi ke leta ap bay kontra san li pa verifye kondisyon travay yo. Se ede moun san konsyans eksplwate jenn gason.

An konklizyon, nou ka di boujwa salòp yo pagen lide ni vizyon pou leta aysyen chita ap remèt yo antrepriz leta. Yo pap devlope yo pou kreye opòtinite pou jenn yo. Se plis pwofite de yo pou ranfòse enflyans yo epi konpòte tankou kolon, imilye moun fè kòwipsyon.

Leta aysyen dwe swiv model Koree du Sud, ki itilize yon sistem mix kote leta, lame peyia ak sektè prive mete tèt ansanm pou devlope sektè ki stratejik nan ekonomi a. Chinwa yo fè menm bagay la. Leta mete tout fòs li louvri yon sektè kle pou devlopman, apre sa li kapab kite prive jere’l a yon seri pousantaj. Men antrepriz la ap gen yon misyon nasyonal kote lap okipe yon plas stratejik nan devlopman peyia.

Se konsa mwen te wè AGRITRANS pandan kanpay la. Mwen te panse plizyè gwo antepriz konsa kap kreye travay epi jwe yon wòl stratejik, kreye espwa. Reyalite jere pouvwa ak tout difikilte ekonomi plis politik, chanje bagay yo.

Gen yon jenn ki piblye yon video kote li gen yon tòj avoka sou li epi lap joure prezidan Jovenel paske li pa wè sa pou’l fè pou’l fè. Li klè ke Prezidan Jovenel paka reskonsab tout pwoblèm nan peyia. Dayè lap goumen ap boujwa salòp yo pou’l korije yon seri dezòd. Men nou pa dwe sous-estime jan de ti reyaksyon sa yo. Se gwo dezespwa!

Se yon ti reyaksyon konsa nan peyi Tunizi kite lakòz anpil gouvènman tonbe nan peyi arab yo.

Lè moun nan yon peyi ap dezespere, dirijan yo dwe pran sa o serye. Nou paka inyore evènman sa yo epi sèlman di “Se travay nap travay!”. Paske moun sa yo pa entegre nan aktivite peyia e yo pagen okenn espwa.

Nan san sa, pandan leta pa respekte prinsip antrepriz prive nan ekonomi peyia, dwe gen yon strateji pou devlope sektè ki ka kreye travay.

Mwen renmen pale de batiman nan lanmè, se yon sektè ki kreye anpil opòtinite pou jenn. Lòt egzanp : Laposte. Yon reflexyon kapab gade koman Laposte Haiti te ka devlope sèvis tankou Amazon.

Fè delivre bagay moun achte. Sa kapab kreye kek djòb nan peyia.

Gen yon zanmi ki di’m Prezidan Jovenel panse li ka rezoud tout bagay nan achte materyèl. Mwen dakò ke prezidan an bezwen achte materyel, men mwen zanmi an gen rezon. Dwe gen yon vizyon global deyè desizyon sa yo.

Sou pwen sa nou envite prezidan Jovenel gade egzanp Koree du Sud oubyen Chine. Paske pou soti nan mizè, povrete ak labou, Leta peyi sa yo te devlope yon seri sektè. 

Fè konpetisyon, bay yon gwoup jenn ki genn bon pwojè finansman se byen. Men leta dwe asire entegrasyon majorite moun ki paka fè bel pwojè yo, moun ki mwen entèlijan epi ki bezwen viv, ki bezwen espwa.

Moun sa yo, lontan te gen WELCH pou ede yo entegre nan ekonomi an, te gen HASCO, te gen APN, nou pa di se menm antrepriz sa yo ki pou tounen, men an fonksyon de pwoblèm aktyèl yo, leta dwe jwe wòl lidè. Boujwa salòp yo pap fè sa pou pèp la. Se lajan fasil yap chache pou al mete nan bank aletranje.

Pou’m fini, map pran egazanp sou fanmi mwen. Papa’m se pastè Advantiste. Pastè Advantiste pa touche gwo lajan. Kòlèt legliz la pa pou yo se pou « La mission » ki peye yo. Kidonk, nou pat abitye ak gwo lajan. Men, akadreman lamisyon bay nan san solidarite, edikasyon, yon espas kiltirel ki pèmet w gen aksè ak liv, konesans, ti sèvis asirans ak lopital si w malad, prestij nan komin kote w afekte yo, pèmet w evolye.

Se egzakteman bagay sa yo jenès la bezwen. Yon seri de enstitisyon, antrepriz ki kap kontribye a devlopman peyia, men ki bay yo espas pou planifye lavi yo. Yo ka prete, yo ka marye, yo ka konstri yon fanmi, yo ka planifye vakans, elatriye, fè pwojè pou pitit yo.

Lè, akoz de koudeta plis debakman solda meriken an 1994 bagay yo te difisil pou mwen man pòtoprens, mwen te pran desizyon retounen kay papa’m ki pastè Okap. Paske, mwen konnen, menm si pagen lajan, enstitisyon “La Mission” kote lap travay la kreye yon kad ki pèmet mwen reziste jiskaske mwen ka dekole. Pagen milyon nan legliz la, men li bay w yon culture ki pèmet w viv ak yon ideyal elve. Li ede w rete nan yon nivo entelektyèl klas mwayèn san w pa tonbe pi ba.

Ti egzanp pèsonel sa se pou fè mesaj la pase pi fasil. Depi laj 6 an papa’m ap banm liv pou’m li,  apre sa pou’m vin eksplike’l sa mwen li a. Lè mwen sot legliz li fè’m fè rezime sa yo preche. Konsa li verifye tou si mwen te sou sa, si mwen tap dormi, oubyen si mwen te al flannen.

Samedi aprè-midi li fè’m li Bib ak ekòl sabbat. Mwen aprann li nan 2 liv sa yo. 

Premye livre “Géopolitique” mwen li rele “Qui dominera le monde” de Pierre Lanarès. Lè sa mwen te gen 9 an, papa’m te pastè Moles Saint Nicolas 1981. Mwen pa kwè li tap touche 2000 goud pa mwa, men “La mission” te permèt li achte yon bann liv ke li peye jan li kapab.

Kidonk, menm san lajan nou te gen yon ti bibliotèk lakay nou. Sa rete yon abitid pou mwen ki bann avantaj sou yon bann nèg kap fè politik san arguman e san lekti. Lè konsa yo oblije joure. E depi mwen piti, papa’m aprann mwen pa okipe moun kap joure. Konsatre’m sou agiman yo. Se sèl agiman kontrè ki yon menas pou sa wap di a. “Mo sal pa patisite nan okenn deba serye.”

Mwen gen 49 lane. Mwen pa janm sispann li. Imajine’w kantite liv mwen li nan lavi’m. Sa se yon gwo kapital “immaterial” ke mwen akimile gras a enstitisyon ke fanmi mwen evolye ladan. 

Tout bagay sa yo posib paske papa’m te gen chans fè pati yon bon institution. Se egzakteman sa jenès la bezwen. Sepa pil kòb pou depanse pasi pale. Se yon seri enstitisyon syantifik, pwodiksyon, sèvis ki kapab kreye yon plan karyè pou yo epi pèmet yo evolye.

Nou bezwen enstitisyon nan “domaine scientifique”. Devlope tout domaine scientifik, pwodiksyon ak sèvis yon fason pou kreye espas pou jenn yo.

Sispann bay tèt nou manti ! Boujwa salòp yo se selman achte revann. Yo pap devlope anyen ki gen riske epi ki ka kreye travay. Leta dwe jwe wòl lidè pou lanse sektè sa yo. Se li sèl kap ka fè sa. Klas dominant peyi d’#Haiti gen yon “culture crackers” ki gen orijin nan tan koloni. Se yon “sous-culture” celtique ke yo twouve kay anpil ti blan kite vini nan koloni yo.

Kilti sa fè yo djòlè, pale anpil, frape lestomak, pandan yo pa vo anyen vre, yo pa konn anyen, e yo parese. Se plis chita ranse betize pran plezi, jwi. Lè w byen gade “sous-culture crackers” sa nan klas mwayèn nan tou. Sa se yon lòt sijè ke map fè rechèch sou li. 

Nou paka lage espwa pèp la sou kont moun sa yo.

Si nou fè sa, kantite moun ki dezespere yo pral ogmante chak jou jiskaske yon revolte jeneral eklate. Lè sa okenn enstitisyon ak zam pap ka retabli lòd.

Sa se yon konsèy!!!

Cyrus Sibert, 

#LeReCit @reseaucitadelle  

WhatsApp: +509 3686 9669

reseaucitadelle@yahoo.fr  

30 juillet 2020