Bilten Meteyo Lendi 03 Dawou 09

Pou rive jouk 05 Dawou 09 SITIYASYON SINOPTIK NAN KARAYIB LA AK SOU ATLANTIK LA Aks yon ond tropikal ap rive sou pwent Ès Sendomeng aprè midi a, l'ap trouve'l aswè a ak demen sou rès Lil la. Kèk ti nyaj ki ka bay lapli ap mache ak li , sitou sou kèk rejyon frontalyè peyi d'Ayiti jodia ak demen. PREVIZYON POU AYITI _ Tan an gen solèy tout kote maten an; - Ap gen nyaj de tanzantan nan fen jounen an ak nan aswè, sitou sou penensil Sid, Sant ak Nòdès; - L'ap fè cho pandan jounen an, men l' ap miyò nan lannwit ; - Lapli ak loraj posib nan kèk zòn jodia ak demen sitou nan Nòdès, Sant, ak penensil Sid peyi d'Ayiti. PREVIZYON POU PÒTOPRENS AK LÒT ZÒN KI BÒ KOTE'L YO - Tan an gen solèy maten an; - Ap gen nyaj de tanzantan nan fen jounen an ak nan kòmansman lannwit lan; - Pi wo tanperati a ap rive pou jodia se 36°C , pi ba l'ap desan'n se 23°C ; - Lapli ak loraj nan kèk zòn posib nan kòmansman lannwit lan. Leve ak kouche solèy la pou pòtoprens Jodia 03 Dawou leve : 05 è 28 mn kouche :06 è 23mn Madi 04 Dawou leve : 05 è 28 mn kouche :06 è 22mn Mèkredi 05 Dawou leve : 05 è 28 mn kouche :06 è 22mn Previzyon pou Lanmè a Lendi 03 Dawou pou rive 04 Dawou 09 Zòn kotyè Nò Lendi & Madi v Van an ap soufle nan sektè Ès : 15-20 ne; v Vag yo ap monte 4 – 8 pye ; v Lanmè a ap yon ti jan ajite Gòlf Lagonav Lendi & Madi v Van an ap soufle nan sektè Ès : 15-20 ne; v Vag yo ap monte : 6 - 9 pye; v Lanmè a ap yon ti jan ajite; Zòn kotyè Sid Lendi & Madi v Van an ap soufle nan sektè Ès: 15 - 20 ne; v Vag yo ap monte: 6 – 9 pye sitou nan laj; v Loraj posib sou litoral la ak nan laj v Lanmè a ajite; v N'ap mande kapitèn ti bato yo, pou yo pran prekosyon nan lanmè a.